Zv.kryeministrja Belinda Balluku, në një dalje për mediat, së bashku me drejtoren e AKSHI-t, Linda Karcanaj, dhe përfaqësuesin e skuadrës speciale të Microsoft për sigurinë kibernetike, Kevin Chin, dhanë detaje lidhur me sulmin masiv ndaj sistemeve përfshirë e-Albania, punën e bërë për rikthimin në normalitet të shërbimeve, si edhe masat e marra për më tutje.

Ajo tha se agresioni i disa ditëve më parë është një luftë e mirëfilltë, nga e cila shteti shqiptar po mbrohet.

“Ky agresion ishte një luftë e mirëfilltë, ku ne do të vazhdojmë të mbrohemi. Sistemet po rikuperohen, sistemet po kthehen. Sot jemi këtu pa median për shkak të protokolleve të sigurisë, prandaj nuk kemi gazetarë në sallë. Lufta kibernetike është arma që po përdoret sot për të gjunjëzuar shtete, dhe biznese”, tha Balluku.