Lajme

Basha iu përgjigjet zërave për largimin e tij: Në shtëpinë tonë nuk ka të tepërt

I vendosur për të vijuar atë që ai e quan “luftë” të papërfunduar ndaj regjimit Rama-Doshi-Rakipi, kreu i PD Lulzim Basha nga Lezha, tha se PD ka gabimet e saj nga të cilat nuk përjashtoi as veten.

Teksa një pjesë e demokratëve kanë kërkuar dorëheqjen e tij nga posti i kryetarit të PD, Basha theksoi se PD është një shtëpi e madhe ku mirëpret çdo kritikë konstruktive, ide apo koncept.

“Natyrisht miqtë e mi, Partia Demokratike ka qenë dhe është një shtëpi e madhe ku gjithkush ka dhe do të ketë kontributet e veta, sakrificën dhe lirinë e vetë për shprehjen e mendimit, ka të mirat, gabimet dhe të këqijat e vetes dhe këtu fus këdo duke filluar nga vetja ime. Por në shtëpinë tonë të madhe nuk ka të tepërt.

Ndaj, le t’i dëgjojmë, le t’i mirëpresim të gjithë kritikat konstruktivë, idetë dhe konceptet teksa bëhemi gati që mbi 680 mijë shqiptarë që na besuan në valën tonë të ndryshimit t’i udhëheqim në vazhdimin e kësaj beteje deri në fund.”

Basha iu përgjigj zërave për largimin e tij duke thënë se demokratët e kanë patur dhe shumë shpejt do ta kenë përsëri të drejtën për të zgjedhur përfaqësuesit e tyre me votë, por sipas tij tani është momenti për të mobilizuar energjitë duke ia bërë të qartë regjimit Rama-Doshi se ditët e tyre janë të numëruara.

“Ju e keni patur dhe shumë shpejt do ta keni përsëri të drejtën për të zgjedhur përfaqësuesit dhe drejtuesit tuaj me votë, por tani e gjithë vëmendja jonë duhet të jetë tek mobilizimi i çdo energjie të demokratëve, të mbështetësve tanë të atyre që na besuan pavarësisht nëse janë apo jo votues tanë për t’ia bërë të qartë regjimit Rama-Doshi se për ne ditët e tyre janë të numëruara.”

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: