Trupa gjykuese e Kolegjit të Posaçëm të Apelimit, ne lidhje me kërkesen komisionerit publik për gjykim të plotë ose të pjesshëm, vendosi në funksion të hetohej faktet juridike lidhur me pasurinë kullotë në Karpen Kavajë, të hetohet kalimi nga pasuri shtet në privat, të gjyqtarit të Gjykatës së Lartë Edmond Islamaj.

KPA vendosi që të kërkohet informacion nga Kavaja lidhur me 3 pasuritë bashkjetueses, apartament, njësi tregtare, dhe makinë të hetojë në lidhje me ta deri në momentin e rivlersimit që është viti 2012.

Nëse bashkjetuesja ka vendosur kush janë pronarët dhe të verifikohen burimet financiare të babait të subjektit, për periudhën kur ka pasur biznes privat, ILDKPKI. Të hetohet për dy kontakt e makinave të tij, që ka pasur në pronësi. Kolegji vlerësoi që të bëj me dije se pas vendimit nga KPK-së kanë ardhur dhe 4 denoncime. Do vihen në dispozicion për ti parë dhe subjekti dhe komisioneri.

Komisioneri publik i ka kërkuar KPA që të shprehet nëse do të hapet hetimi apo jo përpara se të shprehet në lidhje me aktet e paraqitura nga gjyqtari Islamaj paraditen e sotme.

Vendimi për gjyqtarin Edmond Islamaj do të merret me datë 11. 12. 2018 ora 10.

Në kërkesën e apelimit përmenden mes të tjerash blerja e një trualli në Karpen, për të cilin ka dyshime se nuk është llogaritur siç duhet çmimi i referencës.

“Shitësi e bleu këtë truall kullotë një muaj përpara se ta shiste. Të dhënat gjeohapsinore tregojnë se ky truall gjendet fare pranë detit dhe shtrihet në një zonë të rëndësishme. Ne pretendojmë se Kolegji i Posaçëm duhet të hetojë më tej për origjinën e kësaj prone, si ka kaluar pronësia nga shtet në pronësi private, derisa ky truall arriti nën pronësi të gjyqtarit Islamaj. Ne mendojmë se kjo shitblerje është fasadë. Vlera e një metri katror në Karpen shkon deri në 25-fish më tepër sesa e ka blerë gjyqtari, ndaj duhet hetuar nëse jemi para një shitblerjeje fiktive”, deklaroi komisioneri publik.

Vetë gjyqtari i lartë Edmond Islamaj tha: “Kam zgjedhur të përfaqësohem vetë dhe pa avokat. Së pari, në vlerësimin tim, KPK-ja ka kryer hetim të thelluar dhe konkret. Do të paraqes akte shkresore që hedhin apelimin e komisionerit publik. Për pasurinë kullotë, është fituar në mënyrë të ligjshme, me kontratë blerjeje. Komisioneri publik ngre dy çështje, por që të dyja nuk përputhen. Konkretisht, ndryshe nga sa ankimohet, kjo pasuri, sipas akteve zyrtare, është pjesë e një kullote më të madhe të cilën A.H. e kishte 5 vjet para se të ma shiste mua. Më pas, kjo pasuri është regjistruar si pasuri më vete në 2015, por, siç dihet, nuk mund të bëhet shitja pa u bërë ndarja. Kjo pasuri është larg shfrytëzimit, pra nuk ka ende një ide të qartë se çfarë do të investohet”.