Organizata e Kombeve të Bashkuara kanë reaguar pas bombardimeve të ruseve në maternitetin në Mariupol.

OKB në një deklaratë thonë se kjo është tronditëse dhe spitalet e objekteve të kujdesit shëndetësor dhe punonjësit e kujdesit shëndetësor nuk duhet “kurrë, kurrë të jenë objektiv” i një lufte. “Kujtojmë që ne kemi thirrur, OBSH ka bërë thirrje për ndalimin e menjëhershëm të sulmeve ndaj kujdesit shëndetësor, spitaleve, punonjësve të kujdesit shëndetësor, ambulancave – asnjëra prej tyre nuk duhet të jetë kurrë, kurrë një objektiv”, tha zëdhënësi i OKB-së, Stephane Dujarric.

Dujarric tha se kriza humanitare në Ukrainë “vazhdon të përkeqësohet me shpejtësi”  edhe pse ai e përshkroi një takim produktiv takimin e sotëm midis ministrive të Punëve të Jashtme dhe Mbrojtjes të OKB-së dhe Rusisë.

Në takimin e nivelit të lartë në Moskë, partnerët ranë dakord të forcojnë bashkëpunimin e tyre për të vazhduar lehtësimin e “ndihmës humanitare në kohë”. “Më shumë se 2.2 milionë njerëz kanë kaluar kufijtë ndërkombëtarë duke i shpëtuar Ukrainës”, tha Dujarric.