fbpx
Lajme

“BOOM” – Mensat sociale në Tiranë, vendi ku të refuzohet një pjatë supë

Emisioni investigativ “BOOM” në RTV Ora solli në vëmendje ditën e sotme premtimin e kryebashkiakut Erion Veliaj për mensat sociale në Tiranë.

Në vitin 2016, kryetari i Bashkisë u shpreh se asnjë qytetar në nevojë nuk do ta kalonte ditën pa një vakt të ngrohtë.

Sipas numrit një të Bashkisë ajo që e dallon Tiranën nga qytetet e tjera është njerzilliku.

Erion Veliaj: Ajo që na dallon nga qytetet e tjera, nuk besoj se është asfalti ndërtimet dhe infrastruktura por është njerzillëku dhe fakti që bëjmë për njëri-tjetrin dhe rrëzohemi bashkë. Ne duhet të vazhdojmë me këtë skemë të mensave sociale dhe në disa zona të tjera të Tiranës për tu siguruar që në një qytet të mirë dhe solidar askush nuk do gdhihet dhe ngryset pa një vakt të ngrohtë.

Një i pastrehë shkoi te një nga mensat sociale në Tiranë për të kërkuar një vakt falas sepse ishte i uritur.

Shikojmë se çfarë ndodh.

Punonjësja: Për herë të parë? Je i regjistruar se nuk lejohet?

Qytetari: S’lejohet?

Punonjësja: Jo, duhet të shkosh të regjistrohesh njëher.

Qytetari: Ku regjistrohesh?

Punonjësja: Te zyra tjetër.

Qytetari: Më falni, si regjistrohesh për të ngrenë bukë atje?

Punonjësja: Te punonjësja sociale

Qytetari: Këtu më thanë

Punonjësja: Po, bën kërkesë ngrihet një komision dhe vjen në shtëpi të shikon gjendjen tënde si je.

Qytetari: Ëhëë…

Punonjësja: Keni një procedurë letrash për të sjellë, bën edhe rekomandimin nga mjeku që nuk ke sëmundje ngjitëse.

Qytetari: Po për sot, vetëm për sot?

Punonjësja: Nuk lejohet

Qytetari: Nuk lejohet?

Punonjësja: Jo

Qytetari: Vetëm po më la ajo goca?

Punonjësja: Nuk lejohet, as ajo nuk të lejon.

Qytetari: Mua më thane që haet prandaj.

Punonjësja: Jo, jo. Ka një mori procedurash, duhet plotësohet një dosje e tërë.

Qytetari: Po vetëm sot nuk lejohet?

Punonjësja: Jo, nuk lejohet. Pa dokumenta, pa një regjistrim nuk lejohet te mensa. A fole me gocat andej?

Qytetari: Po, fola.

Punonjësja: Çfarë të thanë?

Qytetari: Që duhet të bej kërkesë.

Punonjësja: Po, është ajo që të thashë edhe unë.

Qytetari: Sot s’bëhet?

Punonjësja: Jo nuk bëhet.

Qytetari: Sikur vetëm këtë vaktin?

Punonjësja: Nuk e kam unë në dorë.

Nga vëzhgimi i “BOOM” rezultoi se për të marrë një vakt nga mensat sociale në Tiranë është e vështirë dhe duhen plotësuar një sërë kërkesash e dokumentesh.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button