Lajme

Braktisja e “Mjeshtrit të Madh’ Vlorë, artisti që luante me fyell, punësohet në pastrim

Nga skenat botërore në shërbimin e pastrimit të qytetit. Vendim Kapaj, “Mjeshtri i madh” , instrumentisti i njohur në Labëri e më tej, i vetmi në Ballkan që mund t’i bjerë fyellit me dhëmbë, me një karrierë 50 vjeçare, këtë të diel nuk e gjen duke luajtur muzikë por në kantierin e mbeturinave duke pastruar plehrat e qytetit.

Për Euronews Albania, Vendimi , 64 vjeç, tregon se bashkia Vlorë e ka punësuar në shërbimet e qytetit.

“Prapë unë nuk e neglizhoj, ka rëndësi që jam në punë edhe ushqehem. Mbaroj punën shtetërore që na takon, pastaj në pasdite bëjmë prova, kompozime të reja.”

Me modestinë e artistit të madh, Vendimi thotë se ndihet krenar të kontribuojë për pastërtinë e vendit.

“E kam për nder që edhe e nderoj qytetin tim në skenat kombëtare, ndërkombëtare por jam krenar që jam pjesëtar i pastrimit të qytetit,” – u shpreh ai.

Megjithatë ajo që e shqetëson është neglizhenca e treguar kundrejt artistëve. Babai i katër fëmijëve, ndonëse i lënë në harresë, ka një merak për ata që e shohin. “Mos e politizoni, unë jam fisnik mbaj qytetin pastër,” – tha artisti.

Artikuj të ngjashëm

Leave a Reply

Your email address will not be published.

Back to top button
Close