Lajme

Ceremonia mortore e Katsifas, prenotohen 5 autobusë nga Greqia që do të vijnë drejt Bularatit

Trupi i 35-vjeçarit Konstantinos Katsifas do të kthehet nesër në familje për t’u përcjellë në banesën e fundit.

Edhe pse ende nuk është saktësuar se kur do zhvillohet ceremonia mortore e 35 vjeçarit Katsifas, burime per Fax News bëjnë me dije se gjatë këtyre ditëve, janë prenotuar 5 autobusë që do të vijnë nga shteti fqinjë për këtë ceremoni.

Ndërkohë me herët mediat greke paralajmëruan se drejt Shqipërisë pritet që të udhëtojnë mbi 2 mijë persona për të marrë pjesë në funeralin e tij në fshatin Bularat të Gjirokastrës. Ashtu siç është thënë edhe më parë klima në radhën e minoritetit grek është përkeqësuar.

“Mbi 2 mijë qytetarë të Vorio Epirit përgatiten të shkojnë në Bularat në funeralin e Kacifas, që pritet të kthehet në protestë. Klima në minoritetin grek është përkeqësuar.

Ekziston rreziku që marrëdhëniet greko-shqiptare të kthehen prapa 10 vjet për shkak të kësaj ngjarje”,shkruan gazeta e njohur ‘Kathimerini’.

Konstantinos Kacifas u vra 8 ditë më parë nga RENEA, pasi qëlloi me breshëri mbi policinë. Ai nuk pranoi të dorëzohej. Kacifa njihej si ekstremist grek dhe ishte pjesë e grupeve nacionaliste-ekstremiste greke.

Pas vrasjes, familja pati pretendime për trupin e të riut, dhe akuzoi RENEA-n se fillimisht e kishte plagosur dhe më pas e kishte vrarë. Po pas ekspertizave të kryera edhe në Tiranë tashmë duket se kërkesa e vetme që kanë familjarët ndaj shtetit shqiptar është tërheqja e trupit, dhe varrosja e të ndjerit.

Artikuj të ngjashëm

Leave a Reply

Your email address will not be published.

Back to top button
Close