Lufta kundër Covid-19 vazhdon, shprehet imunologu më i njohur amerikan, Anthony Fauci. Ai ka deklaruar se ishte akoma shumë herët për të deklaruar fitoren kundër Covid-19 edhe pse në SHBA rastet vazhdojnë të bien duke arritur pragun më të ulët që nga qershori i kaluar.
“Nuk kemi pse të deklarojmë fitoren kaq shpejt, sepse kemi akoma shumë për të bërë. Sa më shumë njerëz të vaksinohen në një komunitet, aq më i sigurt është komuniteti”, theksoi Fauci në një intervistë për ”The Guardian”. Aktualisht, në SHBA, rastet janë ulur me 53% nga fillimi i majit, sipas të dhënave nga universiteti ”Johns Hopkins”.