Përveç vështirësive ekonomike të diktuara nga koronavirusi, qytetarët e Elbasanit përballen me çmime të larta të frutave dhe perimeve. Ata ankohen se produktet janë të importit, ndërsa edhe vetë tregtarët thonë se ka rënë të ndjeshme të fuqisë blerëse. Siç ndodh rëndomtë përpara festive, edhe këtë vit çmimet janë në rritur ndjeshëm. Sipas blerësve, një ndër arsyet se përse çmimet vijojnë të jenë të larta është mungesa e prodhimit vendas ndërsa produktet janë kryesisht të importit.
Ata shprehen se për ta janë të papërballueshme një pjesë e produkteve, ndaj mundohen të marrin vetëm ato më të domosdoshmet. “Në Divjakë po hidhen me maune në kanal, ndërsa këtu shih sa janë çmimet.” Por nga ana tjetër janë edhe tregtarët të cilët ankohen për rënie të fuqisë blerëse.
“Të hiqet tuneli dhe të na lenë të bëjmë punë, se po prishet malli. Nuk ka fare fuqi blerëse.” Ndër produktet të cilat kanë pësuar rritje janë ato të patates dhe qepës. Çmimi i agrumeve mbetet i pandryshuar, ndërsa ai i frutave dhe perimeve të stinës varion në bazë të kërkesës së konsumatorit.