Lajme

Falsifikim dokumentesh, kërcënim dhe ndotje mjedisi, 6 të arrestuar në Durrës

Blutë e Durrësit kanë vënë në pranga ditën e sotme 6 persona të akuzuar për vepra të ndryshme penale.

Në pranga është vënë I.A., 32 vjeç, banues në Turqi, pasi ka tentuar të kalojë kufirin në Pikën e Kalimit Kufitar Durrës me dokumente të dyshuara të falsifikuara.

Ai akuzohet nga policia për veprat penale “Falsifikimi i letërnjoftimeve, i pasaportave ose i vizave” dhe “Falsifikimi i vulave, stampave ose i formularëve”

Po ashtu, është arrestuar edhe E.A., 47 vjeç, banues në Tiranë, me detyrë drejtues teknik në një kompleks pallati në lagjen Nr.1 Durrës, pasi 50-vjeçari me iniciale I. K., duke punuar ka pësuar dëmtime me gur fresibël në këmbë.

Edhe 27-vjeçari me iniciale U. D., është arrestuar nga blutë e Durrësit, pasi për motive të dobëta ka kanosur verbalisht si dhe i ka dëmtuar automjetin shtetasit E.N., 25 vjeç, banues në Krujë.

Sh.Sh., 44 vjeç, S.B., 74 vjeç dhe A.D., 59 vjeç, banues në Krujë, janë arrestuar nga policia, pasi në Krastë në një gropë gëlqere po digjnin mbetje të ndryshme duke shkaktuar tym dhe ndotur mjedisin.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button