Një grua nga Manza i ka treguar kryetarit të PD-së Lulzim Basha se deri më tani asnjë ndihmë nuk ka ardhur në adresë të familjes së saj, e cila është prekur nga tërmeti i 26 nëntorit.

Videon e diskutimeve mes Bashës e familjarëve e ka përcjellë vetë lideri i opozitës. Gruaja thotë se banesa i është dëmtuar rëndë nga tërmeti dhe se prej një jave tashmë, familja dhe foshnja e saj 8 muajshe po flenë në makinë. Në një moment Basha e pyet nëse kanë ardhur ndihmat, teksa gruaja i thotë se shteti nuk është dukur… vetëm këngëtari i njohur Stresi, rezulton të ketë ardhur në zonë.

Pjesë nga biseda:

Gruaja (i thotë fëmijës): Zemra nonës, hajde me nonën…

Basha (afrohet në shtëpi): Paske pastru se ne e kena gjith baltë, se kemi qenë anej…

Gruaja: Futu more futu…

Më pas kryedemokrati del nga shtëpia dhe afrohet pranë makinës ku prej tetë ditësh flenë pesë persona, mes tyre një fëmijë 8-muajsh.

Basha: S’ka ardh asnjë me ju pa ee?

Gruaja: Vetëm ai këngëtari ka ardhur, Stresi, asnjë tjetër…S’asnjë hall tjetër, vetëm se po më ngrin goca aty

Basha: A zemra vogël! Minimumi të kishin sjellë një çadër.

Gruaja: Aman me e bë atë punë, veç për atë (tregon me dorë fëmijën e vogël)

Basha: Ta kisha në dorë e ksiha sjellë vetë unë

Gruaja: Po ti si të dush… pesë vetë me një makinë nuk flihet

Basha: Llafe po bëjnë shumë, punë jo

Gruaja: Të bëjnë ç’të duan tani…