Një i vdekur dhe 4 të plagosur është bilanci i një ngjarje të rëndë me të shtëna armësh në zonën e “Don Boskos” në Tiranë. Ngjarja ka ndodhur pasditen e kësaj të hëne në një lokal në zonën e “Don Boskos” në kryeqytet. Në foto shihet momenti kur janë nxjerrë nga lokali v iktima dhe të plagosurit.
Nga të dhënat paraprake bëhet me dije se është qëlluar me kallashnikov. Sakaq, ngjarja ka shokuar banorët dhe klientët në lokal, të cilët kanë qenë dëshmitarë. Viktima Erion Cela dyshohet të jetë rreth 35-vjeç “Ngjarja ka ndodhur rreth orës 16:20 ku një grup të rinjsh ishin ulur në tryezë pranë xhamit ku janë qëlluar. Dyshohet se autorët i kanë ruajtur e më pas kanë qëlluar me breshëri duke lënë të vdekur 1 person e plagosur 4 të tjerë.
Tiranë/Informacion paraprak. Sipas policisë, viktimë ka mbetur Erion Çela rreth 35-vjeç. I plagosur ka mbetur edhe vëllai i viktimës, Blerim Çela, 28 vjeç. Sipas raportimeve ai ka marrë dëmtime në këmbën e djathtë dhe fytyrë. Po ashtu, Azbi Selimaj, 19 vjeç ka mbetur i dëmtuar në shpatull.
Ky i fundit ndodhet në gjendje të rëndë në Spitalin e Traumës dhe mjekët kanë deklaruar se plagët e shkaktuara nga plumbat kanë prekur organet jetësore. Një tjetër i plagosur është Edmond Crroj, 41 vjeç dhe Arben Dani 46 vjec . Raportohet se ai ka marrë lëndime në bark e këmbë.
Kujtojmë se ngjarja e rëndë ka ndodhur rreth orës 16”20 në një lokal në zonën e Don Boskos në Tiranë. Viktima dhe të plagosurit, ishin duke konsumuar një kafe kur janë qëlluar me breshëri kallashnikovi nga persona jashtë lokalit, të cilët pas krimit janë larguar nga vendngjarja me makinë.