Lajme

GJKKO lë sërish në burg Enkeleda Hoxhën, nuk i shuhet masa e sigurisë

Gjykata e Posaçme rrezon kërkesën e avokatëve mbrojtës për shuarjen e masës së sigurisë dhe lirimin nga burgu të ish gjyqtares Enkeleda Hoxha e dënuar me dy vite burg për korrupsion.

Togat e zeza kanë rrezuar kërkesën e mbrojtjes me argumentin se nuk nuk kishte pëbushur afatin e burgut. Vetë gjyqtarja nga ana tjetër pretendoi se afatet janë plotësuar, duke llogaritur kohën që ajo ka qendruar në paraburgim.

Njoftimi i GJKKO:

Komunikohet në mënyrë të përmbledhur se, sot më datë 11.06.2022, në Gjykatën e Posaçme të Apelit për Korrupsionin dhe Krimin e Organizuar, u shpall vendimi  lidhur me çështjen nr. 113, datë 09.06.2022 regjistrimi, me objekt “ankim ndaj vendimit mbi konstatimin e shuarjes së masës së sigurimit personal “arrest në burg””, në ngarkim të të pandehurës E.H.,ku trupi gjykuesi përbërë nga kryesueseMiliana Muça, anëtare Saida Dollani dhe Igerta Hysi, vendosi:

Rrëzimin e kërkesës së kërkueses, të pandehurës E.H., me objekt “konstatimi i shuarjes së masës së sigurimit “arrest në burg” caktuar me vendimin nr. 14, datë 10.02.2021 të Gjykatës së Posaçme të Shkallës së Parë për Korrupsionin dhe Krimin e Organizuar.

Kujtojmë se Gjykata e Posaçme e dënoi Hoxhën me 3 vite burg, por për shkak të gjykimit të shkurtuar, përfitoi 1/3 e uljes së dënimit.

Po ashtu për ish-gjyqtaren u dha edhe dënim plotësues që për 5 vite të mos ushtrojë asnjë funksion publik. Gjithashtu shuma prej rreth 10 mijë Eurosh që u gjet në banesën e Enkelejda Hoxhës është konfiskuar.

Artikuj të ngjashëm

Leave a Reply

Your email address will not be published. Required fields are marked *

Back to top button
Close