Gjykata e Kurbinit ka lënë në burg tre të dyshuarit për vrasjen e biznesmenit Rakip Roli në zonën e njohur si Sanxhak. Në seancën e zhvilluar sot, gjykata ka vlerësuar të ligjshëm arrestimin e tre personave dhe në fund ka vendosur për ta, masën shtrënguese “arrest në burg”. Në qeli do të qëndrojnë Llej Lika, babai i tij Skënder Lika dhe shoku i tij K.Gj., banues në Kurbin. Këta tre persona akuzohen se kanë ekzekutuar Rakip Rolin. Ky i fundit ka qenë duke udhëtuar me makinë dhe pak minuta pasi ka dalë nga banesa i është bërë pritë në zonën e njohur si Sanxhak. Makina e Rolit është përplasur me dy mjete të tjera, ndërsa autoret e kanë qëlluar atë disa herë me armë, duke e lënë të vdekur në vend. Roli ishte një person me precedentë të mëparshëm penal, pasi kishte vuajtur një dënim vitet e fundit.
Categories
Lajme