Një 30-vjeçar i shpallur në kërkim është vënë në pranga nga policia e Elbasanit. 30-vjeçari akuzohet se në vitin 2021 shpërndante lëndë narkotike në bashkëpunim me një tjetër person dhe mbante municion luftarak.

“Në një rast të goditur nga shërbimet e Policisë, në shtator të vitit 2021, u konstatua se shtetasi D. B., në bashkëpunim me një shtetas tjetër, mbante sasi lënde narkotike kanabis, të ndarë në doza, të gatshme për shitje dhe sasi municioni luftarak”, thuhet në njoftim.

Gjykata e Rrethit Gjyqësor Elbasan i ka caktuar 30-vjeçarit masën e sigurisë “Arrest në burg, për veprat penale “Prodhimi dhe shitja e narkotikëve” dhe “Mbajtja pa leje dhe prodhimi i armëve, armëve shpërthyese dhe municionit”.