Kanë kaluar rreth 12 vite nga koha kur pallati i Dash Pezës u bë “mollë sherri” mes Policisë Bashkiake dhe asaj të Rendit, pasi Inspektoriati i Ndërtimit kishte vendosur ta shembte. Në krye të Bashkisë së Tiranës qëndronte Edi Rama, i cili vendosi që më vonë ta merrte Dash Pezën në parti dhe ta bënte deputet.

Por tashmë Peza është tërhequr nga politika dhe vazhdon aktivitetet e tij private, ndërkohë që në rrjetet sociale ka publikuar një foto me lopën e tij, Nalën. Në foto Dash Peza shihet ndryshe nga ajo që ishim mësuar ta shihnim kur ishte deputet, pasi ka hequr kostumin e deputetit për ta zëvendësuar me “rrobat e fshatit”.