Prokuroria pranë Gjykatës së Shkallës së Parë Tiranë ka kërkuar “arrest me burg” për 46-vjeçarin B.Ll. me detyrë inxhinier elektrik i OSHEE-së.

Në njoftimin zyrtar, Prokuroria thekson se pas hetimeve disamujore me metoda speciale, ka rezultuar se 46-vjeçari gjatë ushtrimit të detyrës iu instalonte qytetarëve në ambiente të ndryshme, matës energjie elektrike, kundrejt shpërblimeve të konsiderueshme.

Nga hetimet, rezultoi se 46-vjeçari ka marrë 150.000 Lekë për vënie aparati matës kur tarifa është 24.000 Lekë.

Aparati matës është vënë nga elektricist i B.A., që është faturist dhe nuk ishte i zonës ku vendosej aparati matës.