Detaje të reja mësohen nga ngjarja e ndodhur mbrëmjen e djeshme në Selenicë, ku 4 persona të veshur si policë tentuan që të vjedhin një banesë.
Kjo është hera e dyta që familja Caushaj në fshatin Hadëraj të Selenicës bie pre e grabitjeve. Edhe ditën e shtunë kjo familje është tentuar që të grabitet, ndërsa dy banesat e vëllezërve janë pranë njëri tjetrit.
Vëllezërit Caushaj thonë se njërin prej grabitësve e kanë njohur, pasi është banor i zonës, ndërsa të tjerët kanë qenë shok të tij. Të dielën grabitësit kanë shkuar me armë, dhe i kanë terrorizuar duke u thënë se ishin Policia e Shtetit, dhe me armë kanë hyrë për të kontrolluar në banesë, duke shkaktuar frikë te familjarët.
Grabitësit i kanë vendosur prangat të zotit të shtëpisë dhe e kanë goditur me qytën e pistoletës. Djali i Fidel Caushajt i ka ndjekur me makinë ggrabitësit, të cilët duke qenë se kanë tentuar të largohen me shpejtësi, kanë rënë në greminë se bashku me makinën e tyre.