Teksa ka nisur puntata e pestë e spektaklit “Love Story” në TV Klan, java që shkoi ka qenë e shoqëruar me debate të forta mes vajzave, ku në qendër të vëmendjes kanë qenë deklaratat e Enxhëll për konkurrentet e tjera. Në takimin e saj me Saimirin, Enxhëlli foli dhe komentoi prekjet dhe sjelljen e vajzave të tjera, gjë që nuk u prit fare mirë nga këto të fundit.
Kamera e fshehtë ka filmuar disa momente në prapaskenë, ku vajzat kanë debatuar me tone të larta me njëra-tjetrën, pikërisht për takimin e bukuroshes nga Gjirokastra. Më tej konkurrentet kanë replikuar me Enxhëllin në distancë, teksa janë intervistuar nga produksioni. Vivien: Për Enxhëllin jam pak e zhgënjyer sepse të tjera gjëra tha dhe të tjera gjëra bëri vet.
Enxhëll: Nuk besoj se bëra ndonjë gjë të ekzagjeruar që Vivien u zhgënjye nga unë, më vjen keq që Vivien tha këtë por gjithësesi, unë po i’a lë të gjitha kohës. Albana: Sa i përket takimit me Enxhëllin, më duket një person inkoherent. Hiqet para publikut një gjë dhe është tjetër. I kam shumë inat njerëzit që janë inkoherent dhe tregohen për atë që nuk janë.
Enxhëll: Albana mua nuk më njeh fare se kush jam unë dhe nuk e kuptoj se nga doli në atë përfundim. Të lutem mos dil në përfundime sepse po ta them sinqerisht që do zhgënjehesh më vonë. Silvana: Për sa i përket takimit me Enxhëll, nuk më dha asnjë pikë ndjesie, nuk e di, është mendimi im personal. Sipas meje nuk kanë fare kimi.
Xhesi: Sa i përket takimit me Enxhëllin, romanticitetin që do ta kisha ndjerë në një situatë tjetër, ma prishi pak fakti që ishin përmendur gocat e tjera, që në një takim nuk kanë përse përmenden. Enxhëll: Fundja unë këtu kam ardhur për Saimirin, nuk kam ardhur as për miqësi, as…nuk e di, vetëm për Saimirin. Drita: Suela po jepte shumë prekje, ndërkohë që Saimiri jo dhe aq dhe mendoj që një femër nuk duhet ta prekë aq shumë mashkullin. Suela: Drita kur ta ketë takimin me Saimirin le të mbajë jo një metër, por tre metra distancë.
