Lajme

Kryetari i Komunës së Gjilanit “presion” autoriteteve shqiptare

Një ditë pas lamtumirës së pjestarëve të familjes Haliti, që vdiqën në mënyrë tragjike në Gjirin e Lalëzit, nga helmimi, ka reaguar kryetari i Komunës së Gjilanit, Lutfi Haziri.

Pasi djali i familjes dyshon për vdekjen e familjarëve të tij, duke mos e besuar variantin e kërpudhës, Haziri i bën thirrje autoriteteve shqiptare që të hedhin dritë mbi ngjarjen.

“Gjilani, Kosova e Shqipëria u tronditën nga tragjedia që ndodhi në Durrës, përkatësisht në Gjirin e Lalëzit, ku tre bashkëqytetarët tanë, Elfete, Afrim e Ferdinaze Haliti, ndërruan jetë papritur.

Dje ia dhamë lamtumirën e fundit në Gjilan dhe na mbeti peng e vërteta e shuarjes së tyre.

Shteti shqiptar e ka për obligim që sa më parë të dal me rezultatin përfundimtar të hetimit për zbardhjen e të vërtetës. Për shpirtrat e Elfetes, Afrimit e Ferdinazes, për familjen Haliti, për Gjilanin, për Kosovën, për Shqipërinë. Ngushëllimet më të sinqerta familjes Haliti për këtë humbje të madhe. Zoti ua lehtësoftë dhembjen!”, shkruan ai.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: