Në Shqipëri kanë mbërritur 192 mijë vaksina e para të prodhuara nga Kina. Kryeministri Edi Rama deklaroi se kjo do të shërbejë për të nisur procesin e vaksinimit masiv të popullatës. Ndërsa bëri të ditur se ka nisur bisedat me firmën kineze “Sinovac” për të hapur linjën e prodhimit në Shqipëri.

“Dëshiroj të ndaj me ju një lajm shumë të mirë. Kemi nisur bisedat për të sjellë në Shqipëri fabrikën e prodhimit të vaksinave.

Ambicia jonë është që deri në fund  të muajit qershor , por ajo që duam është që brenda majit të kemi vaksinuar gjysëm milioni qytetarë. Kemi vendosur vijën e objektivit tek afati i deri brenda qershorit. Sot në Shqipëri ne kemi aktualisht 282 mijë vaksina dhe plus vaksinave që sapo mbërritën kemi edhe vaksinat AstraZeneca, Pfizer dhe Sputnik që së bashku janë 90 mijë.

Ne presim që këtyre vaksinave tu shtohen edhe 70 mijë Pfizer, 80 mijë AstraZeneca dhe 25 mijë Sputik dhe vaksinat që janë në bashkëpunim me BE bëjën 871 mijë vaksina sëbashku me shumën e kontraktuar të Sinovac”, ka thënë Rama. Rama deklaroi se brenda 60 ditë ditë do të ketë 1,2 milionë doza të kësaj vaksine.