Regjisorja e njohur shqiptare, Burbuqe Berisha është ndarë nga jeta ditën e sotme në Prishtinë.

Lajmin e kanë konfirmuar zyrtarë nga Ministria e Kulturës, Rinisë dhe Sportit. Berisha ka ndërruar jetë në objektin e MKRS-së, shkruan Telegrafi. Ajo ishte 51-vjeçare dhe prej vitesh ndodhej në dializë.Berisha njihet si regjisore e disa prodhimeve kinematografike vendore si dhe shfaqjeve teatrale. Ajo ka shërbyer edhe si drejtoreshë e Teatrit Kombëtar të Kosovës. Krahas një karriere të suksesshme në regji dhe film, Burbuqe Berisha ka ushtruar edhe profesionin e ligjërueses në Kolegjin AAB.