Një vajzë e re u perfshi ne nje aksident në vendin e quajtur “Kodër Krasta”.Një 24-vjeçar nga Tirana bashkë me miken e tij 20-vjeçare nga Elbasani doli nga rruga, ndërsa ishin duke u ngjitur në rrugën e Krastës.Drejtuesi ka humbur kontrollin e për pasojë është përplasur me bordurën.Policia zyrtarisht sqaron se “specialistët e Qarkullimit Rrugor në Drejtorinë Vendore të Policisë Elbasan, arrestuan në flagrancë shtetasin: E.M., 24 vjeç, banues në Yzberisht, Tiranë, pasi te parku ‘Krast’, Elbasan, duke drejtuar mjetin tip, ‘Benz’, ka humbur kontrollin mbi mjetin dhe ka dalë nga rruga, për pasojë është dëmtuar vetë drejtuesi i mjetit dhe pasagjerja, shtetasja E.S., 20 vjeçe, banuese në Elbasan, e cila ndodhet nën kujdesin e mjekëve”.Mësohet se 20-vjeçarja, Elda Samurri, ka marrë lëndime serioze dhe gjendja e saj shëndetësore paraqitet kritike, për këtë arsye u transportua drejt Spitalit të Traumës në Tiranë.Nga ana tjetër, Policia ka nisur hetime ndaj 24- vjeçarit për shkelje të rregullave të qarkullimit rrugor.
Categories
Lajme