Moti sot do të jetë me alternime kthjellimesh dhe vranësira në zhvillim. Shërbimi Meteorologjik Ushtarak bën me dije se do të ketë reshje shiu me intensitet të ulët që në orët e para të 24 orëshit në zonën juglindore dhe lindore të vendit. Në mesditë reshjet e shiut do të prekin pjesën më të madhe të vendit me intensitet të ulët në zonat bregdetare, ndërsa në Juglindje dhe përgjatë Ultësirës Perëndimore dhe verilindje reshjet do të jenë me intensitet mesatar, lokalisht reshje në formën e shtrëngatave shoqëruar me shkarkesa elektrike.
Era do të jetë nga kuadrati i Veriut me shpejtësi 1-10m/s ndërsa përgjatë vijës bregdetare si dhe zonat luginore fiton shpejtësi deri në 12-18m/s. Valëzimi në dete parashikohet i forcës 2-3 ballë.
Temperaturat parashikohen:
QYTETET Temperaturat në °C, Shkodër 20/34 Diell shi, Kukës 20/27 Diell shi, Lezhë 20/34 Diell shi, Dibër 15/27 Diell shi, Durrës 21/32 Diell shi, Tiranë 22/34 Diell shi, Elbasan 20/35 Diell shi, Berat 17/35 Diell shi, Vlorë 18/31 Diell shi, Korçë 16/24 Diell shi, Gjirokastër 16/30 Diell shi, Sarandë 17/31 Diell shi.