Lajme

Nesër do të rifillojë mësimi në shkolla, ministrja e Arsimit: Masat që duhet të respektoni

Ministrja e Arsimit Evis Kushi ka kujtuar nxënësit për masat që duhet respektuar në shkolla kundër pandemisë, një ditë para rinisjes së mësimit për këtë vit pas pushimeve për festat e fundvitit. Kushi shprehet se shkollat e hapura dhe me prezencë fizike kërkojnë vëmendjen dhe përgjegjësinë e të gjithëve bashkë.

“Shpresoj të keni kaluar festa e pushime të gëzuara, e të keni mbledhur plot energji që nesër t’u riktheheni shkollave plot dëshirë e pasion për të mësuar më shumë.

 Rikthimi në shkollë ju bën bashkë me shoqet, shokët, mësuesit, të kaloni çaste të bukura por edhe të mbështesni më shumë njëri-tjetrin. Ndërkohë dua t’ju kujtoj edhe një herë që të kemi kujdes të shtuar për higjienën dhe të gjitha masat kundër pandemisë.

Shkollat e hapura dhe mësimi në prezencë fizike kërkon vëmendjen dhe përgjegjësinë e të gjithëve bashkë. Ju uroj shumë suksese dhe vit të mbarë!”, shkruan Evis Kushi.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: