Gjykata e posaçme kundër krimit dhe korrupsionit (GJKKO) ka ndryshuar masën e sigurisë për Arben Careën, bashkëshortin e gjyqtares Mimoza Margjeka të arrestuar për korrupsion. Gjykata vendosi masën e arrestit shtëpiak për Carën, pas kërkesës së avokatëve të tij mbrojtes.

Sipas prokurorisë Cara akuzohet se mori një shumë prej 6 mijë eurosh, duke ia dhënë bashkëshortes së tij, për të ndryshuar masën e sigurisë për një të arrestuar për trafik klandestinësh. Më herët gjykata ka ndryshuar edhe masën e sigurisë për Margjekën nga arrest shtëpie në detyrim paraqitje.

Margjeka pretendoi se arrestimi i saj erdhi pasi i refuzoi mandatin ish-kryebashkiakes së Durrësit, Valbona Sako e dalë nga zgjedhjet e 30 qershorit të 2019. Madje Margjeka deklaroi se ato zgjedhje ishin nul.