Kryeministri Edi Rama i ka kthyer përgjigje pëmes rrjetit social Twiter akuzave të opozitës se kërcënoi SPAK dhe këtë e bën për të mos u hetuar ai dhe qeveria e tij.
Rama shprehet se kjo që dëgjon është për të qeshur dhe për të qarë. Më tej theskon se flasin ata që për Reformën në Drejtësi nuk kishin besim dhe bërtisnin me zë të lartë se nuk do ta votonin.
Rama akuzoi SPAK se nuk po heton “non gratat” dhe se deri tani po heton vetëm cironkat. “SPAK po gjuan vetëm cironkat me dinamit dhe nuk po merret me non gratat”, tha Rama në mbledhjen e Asamblesë.
Deklarata Të qeshësh e të qash me lot! Paskam kërcënuar SPAKUN sipas nongratave që betoheshin se edhe Flota e Shtatë Amerikane po t’i drejtonte tytat nga Lalzi nuk do ta votonin Reformën në Drejtësi! Për mua e për #PS SPAKU rron e punon pa gajle 100 vjet dhe bujrum, derën tonë e ka hapur!
Por gojën nuk kemi për ta mbyllur, që SPAKU të mos godasë njëanshmërisht, po gjithanshmërisht! Roli i mumjes, përballë rreshtit të gjykatësve e të prokurorëve, që Vetingu i nxorri katran me bojë apo mbi dosjet e skandaleve legjendare të krimit shtetëror, nuk mund të tolerohet më!
