PDIU ka paralajmëruar që do të mbajë tubim paqësor ditën e nesërme në orën 11:00 para Ministrisë së Jashtme, ku do të pritet ministri grek Niko Dendias. Në një reagim në Facebook, PDIU i bën thirrje të gjithve që ti bashkohen në tubim për cështjen came, për heqjen e ligjit të luftës dhe për 12 miljet detare shqiptare, temë që ka ngjallur debat të madh pas deklaratës së kryeministrit grek.
Thirrja e plotë e PDIU: “Mos prek Shqipërinë!” “Mos harro Çamërinë!” Shoqata patriotike “Çamëria” dhe Partia, Drejtësi, Integrim dhe Unitet ftojnë të gjithë shqiptarët nesër në orën 11:00, përpara Ministrisë së Jashtme, në tubimin paqësor për: Çështjen Çame. Heqjen e ligjit të luftës. 12 miljet detare shqiptare, Greqia I ka në Prevezë. I bëjmë thirrje të gjithë shqiptarëve, të gjitha shoqatave patriotike të na bashkohen përpara Ministrisë së Jashme, për të protestuar së bashku me rastin e vizitës së ministrit të jashtëm grek, Nikos Dendias, vizitë e cila nuk parashikon asnjë nga çështjet që shqetësëojnë shqiptarët, por çon përpara axhendën greke.
I bëjmë thirrje qeverisë shqiptare të marrë parasysh axhendën e BE, e shprehuar nga ish komisioneri Hahn, e cila përcakton si çështje: Zgjidhjen çështjes çame. Heqjen e ligjit të luftës. Marrëveshjen e detit. Kufijtë tokësorë dhe detarë të Shqipërisë janë të njohura që në 1913, 1925, 1926-n dhe askush nuk mund të fali det apo tokë, kushdo që i thotë vetes patriotë. Problemet me Greqinë zgjidhen vetëm me dinjitet, reciprocitet dhe dije. Shqipëria nuk ka më as det, as tokë për të falur. Nesër ora 11:00 Përpara Ministrisë së Jashtme, Tiranë.