Lajme

Provime online? Studentët: Do ketë bojkotime dhe…

Studentët paralajmërojnë me fillimin e protestave dhe bojkotimit të vitit akademik, pasi thonë se ndidhen të provokuar nga diskutimi për hapjen apo jo të auditorëve vetëm pak ditë përpara sezonit të provimeve. Referuar udhëzimit paraprak të UT për zhvillimin e provimeve online, studenti Agred Tafaj e konsideron më së shumti si një mekanizëm politik për të parë reagimin e studentëve. Ai thotë po diskutohet për forma të ndryshme protestash si bojkoti i mësimit.

“Universitete që kërkojnë skicime, planimetri, grafiqe, si mund t’i zhvillojnë këto provime? Janë hapur diskutime për të bojkotuar mësimin online, për të bojkotuar provime, për të zhvilluar protesta. Pra situata çdo ditë e më shumë do të nxehet.” Tafaj përmend se në komunikimin e fundit që ka bërë me kryetaren e Komiteti Teknik të Ekspertëve Mira Rakacolli, kjo e fundit i kishte sqaruar se pritet që të ketë një diskutim me MASR për të parë kapacitetet e auditorëve.

“Nga bisedimet që patëm situata është e tillë, që Komiteti i Ekspertëve është organi përgjegjës që merr vendimin, por vendos mbi bazën e një propozimi të bërë nga MASH.”  Udhëzimi paraprak që po qarkullon mes pedagogëve të UT flet për zhvillimin e provimeve Online përmes platformës Microsoft Times. Provimi verbal pritet të zgjas 10-15 minuta, ndërsa ai me shkrim deri në 3 orë.

Nëse ky udhëzim do të miratohet, për  çdo provim pritet të ketë  dy data atë njëpasnjëshme për ti paraprirë çdo defekti teknik që mund të ndodh gjatë provimit.  Megjithatë, përfaqësues të UT thonë se ende nuk është vendosur asgjë në lidhje me sezonin e provimeve dhe se Komiteti Teknik i ekspertëve është ai që merr vendimin përfundimtar.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button
Close