Kreu i Qeverisë Edi Rama njoftoi sot në mbledhjen e Këshillit të Ministrave se Qeveria do të donte të blinte apartamente stok nga ndërtuesit, por me kusht që çmimet të jenë të ulëta dhe nën tavanin që do të përcaktohet nga analiza e tregut. Në mbledhjen e Qeverisë sot në mëngjes, Rama tha: “Ndërkohë po përgatitet edhe thirrja për blerjen e apartamenteve, çështje e pak ditëve, është shumë e rëndësishme që të informohet publiku që do të bëjmë një thirrje për ata që kanë apartamente stok, por me një çmim të ulët dhe të gjithë ata që disponojnë stok duhet ta dinë se nuk është rasti për të bërë pazar apo tregti. Në rast se do të marrim çmimin në tavanin që do të përcaktojmë, sipas analizave të tregut, në një tavan të ulët, do të procedojmë. Përndryshe, nuk do të procedojmë më tutje, sepse e thashë, nuk rasti për të blerë apartamente në funksion të fitimit të firmave.”