Lajme

Regjistrohen 125 raste të reja me covid në vendin tonë, 3 raste në Vlorë

Për herë të parë që nga shtatori i vitit të shkuar, në vendin tonë janë regjistruar 125 raste të reja me koronavirus. Siç njoftoi Ministria e Shëndetësisë në raportimin ditor të rasteve, numri testimeve ishte 1,983 ndërsa hera e fundit që regjistruam të paktën 120 raste ishte 28-29 shtatori i vitit që shkoi. Ndërsa brenda ditës, si pasojë e sëmundjes, e humbën jetën edhe katër qytetarë të tjerë.

Rastet pozitive të konfirmuara janë identifikuar në këto bashki: 27 raste në Tiranë, 16 në Fier, 9 në Shkodër, 8 në Sarandë, 7 në Elbasan, 6 në Durrës, 5 në Lezhë, nga 4 raste në Lushnje, Pogradec, Gramsh, nga 3 raste në Kavajë, Vlorë, Mirditë, Berat, Delvinë, Tepelenë, nga 2 raste në Kurbin, Malësi e Madhe, Kuçovë, Skrapar, Patos, Konispol, nga 1 rast në Kukës, Tropojë, Vau i Dejës, Dibër, Roskovec.

Po ashtu, në 24 orët e fundit janë shëruar 546 qytetarë, duke e çuar numrin e të shëruarve në 98,269 që nga fillimi i epidemisë. Aktualisht në spitalet COVID në Tiranë dhe tre spitalet rajonale po trajtohen 204 pacientë, 12 në terapi intensive, nga të cilët 3 pacientë janë të intubuar. Kurse, sa i përket rasteve fatale, nuk mundën të shpëtojnë 1 qytetar nga Tirana, 1 qytetar nga Gjirokastra, 1 qytetar nga Fieri, 1 qytetar nga Malësi e Madhe të moshave 63 – 82 vjeç.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: