Rita Ora do t’i dhuroj Tiranës kostumin popullor tradicional shqiptar, të cilin këngëtarja e famshme shqiptare e veshi në videoklipin e këngës hit “Gunna”, pjesë e albumit ‘Bang’. Bëhet me dije se kostumi do të ekspozohet në Muzeun Etnografik të Tiranës, që bashkia do ta krijojë brenda godinës se “Sarajeve të Toptanëve”. Nga ana tjetër këtë lajm e ka bërë me dije kryetari i Bashkisë së Tiranës, Erion Veliaj përmes një postimi në Twitter.

“Shumë faleminderit Besnik Sahatçiu, Vera Ora dhe Elena Ora për ndihmën ndaj komunitetit të mësuesve shqiptarë në Londër duke e kthyer “Queens Arms” në qendër komunitare! Falënderime pa fund Rita Ora, që i dhurove Bashkisë së Tiranës kostumin popullor shqiptar, që e ta fillojmë Muzeun e ri Etnografik me një ‘Bang’”, shkruan Veliaj.