fbpx
Lajme

Rumunet dhe shqiptaret pushtojnë rrugët e Milanos

Rritja e shifrave të infektimit nga Covidi përbën shqetësim të madh për të gjithë botën, sidomos Italinë që ishte shteti evropian më i goditur nga pandemia. Ndonëse duket se ka një ripërsëritje të situatës, nuk ndalet prostitucioni në Milano. Drejtori i Caritas Ambrosiana, Luciano Gualzetti, i cili në funksion të ditës evropiane kundër trafikimit të qenieve njerëzore shprehet: “Frika nga Covid nuk po ndalon kërkesën për s*ks të paguar në rrugët e Milanos”.

Drejtori i institucionit kërkoi që klientët e prostitutave, të cilat shpesh përfundojnë në rrugë jo nga zgjedhja, të jenë më të përgjegjshëm. Në vitin 2020, punëtorët dhe vullnetarët e njësisë rrugore Avenida të Caritas Ambrosiana, kapën 135 viktima të trafikimit gjatë daljeve të tyre të natës dy herë në javë përgjatë unazës veriore të Milanos. Sidoqoftë, 45 gra u kapën në shtator, ndërsa në të njëjtin muaj të vitit të kaluar ato ishin 52. Rreth gjysma e grave të identifikuara janë shtetase rumune, të ndjekura nga shqiptare dhe nigeriane.

“Sapo mbaroi bllokimi – gratë dhe klientët e tyre u shfaqën përsëri në rrugë. Operatorët tanë na tregojnë se prezencat në rrugët e Milanos dhe zonave të brendshme janë kthyer në nivelet para bllokut të vendosur këtë pranverë dhe madje nuk tregojnë shenja të zvogëlimit në këto ditë kur infeksionet janë rritur”, shtoi Gualzetti.

Dyshime të forta ka që disa vajza që punojnë si prostituta nuk e kanë zgjedhjen e tyre, por shfrytëzohen nga organizata kriminale. Përveç asistencës në rrugë, qendra e karitasit italian në Milano u ofron vajzave e grave viktima të trafikut të prostitucionit, strehim e ndihmë derisa të arrijnë të krijojnë jetë të rregullt.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button