fbpx
Lajme

Shifra rekord/Ahmetaj: Kjo falë Ramës! Qeveria është institucion i besueshëm

Ministri i Shtetit për Rindërtimin, Arben Ahmetaj, duke komentuar Konferencën e Donatorëve shprehet se kaloi pritshmëritë. Ai ia kaluar meritat personalisht kryeministrit Edi Rama, duke e konkretizuar me faktin se shifra e mbledhur nuk është gjë tjetër veçse besim ndaj qeverisë.

Në studion e “News24”, ai deklaroi se për Shqipërinë hapet një etapë e re, duke marrë rezultatin e dëshiruar. “Ajo që ndodhi dje, ishte përtej pritshmërive. Ishte një ditë e kultivuar nga BE dhe nga ana e miqve tanë që nga 27 nëntori dhe në vazhdim është një punë e kultivuar, për të ardhur në një ditë si ajo dje. Reflektoi gjithë vëmendjen e komunitetit ndërkombëtar. Unë e besoj që është një faqe e re në historinë e Shqipërisë dhe në historinë e Ballkanit Perëndimor për qasjen që kanë me Shqipërinë.

Komuniteti ndërkombëtar e përdori 17 shkurtin, për t’i dhënë një shpresë shumë të madhe Shqipërisë dhe Ballkanit Perëndimor, dhe për solidaritet me vendin. Në të njëjtën kohë, shifra është besim ndaj qeverisë.

Nuk të jep as grant, as kredi asnjë, në qoftëse ti nuk je i besueshëm. Kryeministri, qeveria, është institucion i besueshëm. Për komunitetin europian, për BE, për vendet anëtare dhe gjithë vendet e tjera që dhanë qoftë grante, qoftë kredi të buta me interesa shumë të favorshme”, deklaroi Ahmetaj.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button