Ka shkuar në 18 numri i të vdekurve nga rrëzimi i helikopterit në Brovary ku humbi jetën edhe ministri i brendshëm ukrainas.
Oleksiy Kuleba, guvernatori i rajonit të Kievit, ka thënë se tre fëmijë janë në mesin e 18 të vdekurve.“Tragjedi në Brovary. Numri i viktimave ka shkuar në 18, duke përfshirë tre fëmijë. 29 persona kanë mbetur të plagosur, mes tyre 15 fëmijë. Të gjitha shërbimet e urgjencës janë në vend,” tha ai në një postim në Twitter.