Një banesë në të cilën kultivohej kanabis është zbuluar mbrëmjen e djeshme në fshatin Pobrat, në ish-komunën Kutalli në Dimal.
Mësohet se policia ka shoqëruar deri tani 5 persona, të cilët po merren në pyetje, ndërkohë që priten të tjera shoqërime.
Personat e shoqëruar janë nga Fieri dhe Berati, ndërsa njëri prej tyre dyshohet se është pjesë e grupit kriminal që kultivoi kanabis në një karburant në Lushnje.
Ende nuk ka informacion zyrtar nga policia, ndërkohë që nuk dihet as sasia e drogës së sekuestruar.
