Shtëpia e foshnjes në Vlorë nuk do të mbyllet. Grupet mjekësore të qytetit kanë marrë vendimin që në brendësi të saj për një periudhë dy javore të qëndrojnë stafi së bashku me fëmijët në karantinë. Deri në datën 17 dhjetor mësuesit, stafi që shërben në brendësi të saj dhe fëmijët që kanë shfaqur simtoma do të qëndrojnë në ambient të karantinuar pa patur mundësi të dalin prej andej si dhe pa patur mundësi dikush të futet.

Kujtojmë që gjatë kësaj periudhe numri i personave të infektuar në këtë institucion ka qënë 8, mes tyre kanë qenë sanitare, kuzhiniere, mësuese dhe vetë fëmijë që strehohen aty çdo ditë.  Në këtë qendër janë 22 fëmijë nga zero në 6 vjeç, ndërsa 4 prej tyre kanë rezultuar pozitiv për koronavirus. Gjithashtu edhe 9 pjesëtare të stafit kanë rezultuar pozitiv dhe ndodhen në banesat e tyre, ndërsa në institucion ndodhen vetëm 4 fëmijët e infektuar.