Rritja e numrave të të prekurve me Covid-19 duket se ka detyruar autoritetet shëndetësore të bëjnë gati edhe spitalin Covid 4. Bashkimi Evropian ka dhuruar edhe 30 respirarorë të tjetër që shtojnë kapacitetet spitale për përballimin e muajve të dimrit. Ndaj ambasadori i BE-së në Tiranë dhe zv.ministrja e Shëndetësisë apeluan për zbatimin e masave anti-Covid.
Dimri pritet të jetë edhe më i vështirë sa i përket rasteve të të infektuarve më Covid në vendin tonë. Pas spitalit Covid 3 duket se po bëhen përgatitjet për strukturën e re spitalore. Nga spitali Covid 4, ambasadori i BE në Shqipëri, Luigi Soreca, u bëri apel të gjitve të tregohen të kujdesshëm ndaj virusit SARS CoV-2, ndërsa deklaroi se me shtimin e rasteve të të prekurve me Covid, duhet të merren masa për shtimin e kapaciteteve.
Ndaj BE i dhuroi Ministrisë së Shëndetësisë edhe 30 respiratorë lëvizës.
Soreca: Sot kemi ardhur në spitalin Covid 4 për të dorëzuar edhe 30 respiratorë të tjerë lëvizës, duke dhuruar kështu gjithësej 80 respirator nga fillimi i pandemisë. Me shtimin e rasteve të të prekurve me Covid, janë shtuar edhe kapacitete në reanimacione dhe i gjithë stafi mjekësor është në një presion shumë të lartë. Muajt e dimrit do të jenë më të vështira ku parashikohet të ketë transmetueshmëri më të lartë të virusit.
Përfaqësuesja e OKB-së në Shqipëri dhe zvëndësminsitrja e Shëndetësisë Mira Rakacolli u bënë thirrje qytetarëve të tregohen të kujdesshëm, pasi lufta ndaj këtij virusi nuk është vetëm betejë spitalore por e çdo qytetari. Prej fillimit të pandemisë, BE i ka dhuruar Shqipërisë 50 mln euro për përballimin e situatës, nga të cilat 4 mln për furnizimin me pajisje mjekësore dhe pjesa tjetër i janë kushtuar mbrojtjes sociale, duke ndihmuar kështu vendin tonë në përballimin e krizës.