Ashtu siç e kishin paralajmëruar banorët e lagjes “5 Maji” në Tiranë, janë mbledhur për të protestuar para Kuvendit, pasi banesat e tyre u shembën pak ditë më parë. Banesat e lagjes “5 Maji” preken nga projekti i rindërtimit dhe banorëve pavarësisht se u është thënë që do marrin apartamente në pallatet e ndërtuara, ngrenë hije dyshimi duke theksuar që nuk besojnë se do dëmshpërblehen. Ndërkohë nga ana tjetër ka nisur seanca plenare e Kuvendit. Protestuesit i janë afruar hyrjes së parlamenti, po janë penguar nga policia.
Një ndër protestuesit është edhe e moshuara e identifikuar gjatë shembjes së banesave si “Nënë Liza”. Ajo sërish ka hedhur akuza në drejtim të kryeministrit Edi Rama dhe kryebashkiakut Erion Veliaj. “Nuk ka ardhur kush a është gjallë a ka vdek, ky është shteti, s’i rr*het për plakat. Dua të dal para parlamentit, ta marrë vesh Rama dhe këto deputetët bukuroshët”, tha Nënë Liza.
