Lajme

Situata e Covid-19 në qytete, rriten rastet e infektimit në Korçë

Ditën e djeshme ministria e Shëndetësisë në raportimin e rasteve ditore me koronavirus njoftoi se në vend u regjistruan 761 të infektuar. Prej tyre, 28 raste u konfirmuan në Durrës. Abc raporton se aktualisht në Spitalin Rajonal të Durrësit janë të shtruar 61 pacientë, pesë prej tyre në reanimacion por jo të intubuar.

Në këtë spital, po shtrohen vetëm rastet që kanë nevojë për oksigjen, ndërsa personat me forma më të lehta të sëmundjes dërgohen në shtëpi për t’u karantinuar. Gjendja e të shtruarve në spital është e stabilizuar. Ndërkohë, vijon procesi i vaksinimit në pallatin e sportit “Ramazan Jella” ndërsa deri më tani janë bërë 600 vaksina. Kurse në qytetin e Korçës ka rritje të të infektuarve dhe se po shtohen vatrat familjare.

Në sanatoriumin e qytetit ndodhen 25 pacientë të shtruar, ndërsa ata që kanë nevojë për shërbim më të specializuar dërgohen drejt Tiranës. Sa i përket vaksinimit, është drejt përfundimit faza e parë e këtij procesi, pra vaksinimi i stafeve mjekësore. Ndërsa në qarkun e Shkodrës vaksinimi ka vijuar i pandërprerë ndërsa stafet mjekësore po marrin dozat e dyta. Në spital, në pavijonin e Infektivit aktualisht janë të shtruar 25 pacientë, 11 prej tyre në reanimacion.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: