Një person i dytë i infektuar me koronavirusin kinez është zbuluar në Tajlandë, deklaruan sot autoritetet duke shtua se nuk ka epidemi.

Sukhum Kanchanapimai, sekretari i përhershëm i ministrisë së Shëndetit Publik, theksoi se një grua kineze 74 vjeçe, që mbërriti të hënën në Tajlandë, rezultoi e prekur nga virusi.

Koronavirusët mund të infektojnë kafshët dhe njerëzit, duke shkaktuar sëmundje që fillojnë nga ftohja e zakonshme, deri te sëmundjet e rënda të ngjashme me pneumoninë, si Sindroma e rëndë akute e frymëmarrjes (SARS) dhe Sindroma e frymëmarrjes në Lindjen e Mesme (MERS).

Një 61-vjeçare, e cila mbërriti në Tajlandë më 8 janar ishte personi i parë në vend e prekur nga virusi.