Lajme

Taskforca antiCovid/ AKU 273 inspektime dhe monitorime në të gjithë vendin

Trupat inspektuese të Autoritetit Kombëtar të Ushqimit kanë kryer 273 inspektime dhe monitorime gjatë ditës së sotme në të gjithë vendin, edhe si pjesë e Taskforcës antiCovid. “Taskforca vazhdon monitorimin në të gjitha bizneset dhe nivelet e sistemit arsimor, në zbatim të protokolleve të sigurisë, si e vetmja mënyrë kundër përhapjes së virusit”, njoftoi sot AKU.

“Gjatë inspektimeve janë dhënë 14 masa me paralajmërim për mungesë të Planeve 3D, mungesë të librezave shëndetësore, mos sistemim të ambienteve të prodhimit etj”, thekson AKU. AKU shton se, “me kërkesë të vetë një subjekti ushqimor, u krye asgjësimi i një sasie prej 6,365 tonë produkte ushqimore  me afat të kaluar përdorimi”.

“Referuar Planit të Marrjes së Mostrave janë marrë 39 mostra në monitorim të qumështit  dhe analizim të fruta-perimeve për mbetje pesticide”, njofton AKU. AKU vijon kontrollet në terren në garantim të sigurisë ushqimore dhe mbrojtjes së shëndetit të konsumatorit.

Artikuj të ngjashëm

Leave a Reply

Your email address will not be published.

Back to top button
Close