Drejtoresha e Qendrës së Shërbimeve Arsimore, Rezana Vrapi ka dhënë detaje në lidhje me provimin e maturës shtetërore për këtë vit të dominuar deri më tani nga koronavirusi.
Vrapi tha se testet do të jenë të gjitha me alternativa, me një total prej 60 pyetjesh. Një tjetër pjesë që do t’i hiqet strukturës tipit të provimeve të gjuhës shqipe e asaj të anglishtes do të jetë eseja. Këtë vit akademik, maturantët nuk do të bëjnë ese në këto dy lëndë.