Një ngjarje e rëndë ka tronditur vendin fqinj, Greqinë, ku një 45-vjeçar shqiptar është vënë pas hekurave. Ka qenë vajza e tij 17-vjeçare, e shoqëruar nga nëna e saj, ajo që ka denoncuar se i ati e ka përd hunuar prej moshës 12-vjeçare. Menjëherë sapo ajo e kallëzoi ngjarjen e rëndë, Policia është shfaqur në derën e shtëpisë së familjes shqiptare për të arrestuar 45-vjeçarin.

Ndërkohë vajza e mitur i është nënshtruar kontrollit mjekësor, me qëllim hetimin dhe vërtetimin e denoncimit të saj ndaj të atit. Nga ana tjetër, djali më i vogël i familjes është marrë nga shërbimet sociale.

Familja me origjinë shqiptare është e përbërë prej 4 personash dhe jetonte në një fshat të Greqisë, i quajtur Assos Korinthias. Sipas mediave të huaja, babai i familjes ishte i papunë prej shumë kohësh, ndërkohë ka qenë nëna ajo që siguronte të ardhurat për shtëpinë. Marrë nga hlektra.gr