Një valixhe e dyshimtë në qendër të qytetit të Fierit ka alarmuar policinë, duke bërë rrethimin e zonës dhe ndalimin e lëvizjes së këmbësorëve.

Në vendngjarje shkuan forca të shumta policie dhe pas kqyrjes nga ekspertët, brenda valixhes nuk u konstatua asnjë send. Objekti ishte harruar nga një punonjëse e pastrimit të rrugëve. Valixhja ishte bosh dhe u largua prej andej nga policia.

Informacioni paraprak i Policisë së Fierit:

Në orën 10:30, jemi njoftuar se në lagjen “Apollonia”, Fier në anë të rrugës është konstatuar një valixhe e mbyllur. Shërbimet e Policisë kanë vendosur perimetrin e sigurisë në vendngjarje dhe po verifikojnë rastin. Janë njoftuar forcat xheniere për të kryer veprimet e mëtejshme.

Në vijim të informacionit paraprak të dhënë për një valixhe që ishte konstatuar në rrugë, nga këqyrja e kamerave dhe verifimeve nga shërbimet e Policisë, rezultoi se valixhja është bosh dhe është harruar nga një punonjëse e pastrimit të rrugëve.