Lajme

VIDEO/ Qytetari lëshon alarmin ‘SOS’ nga qafa e Murrizit, bllokohen 12 persona në mes të borës

Të paktën 12 persona kanë mbetur të bllokuar në Qafën e Murrizës, për shkak të reshjeve të dendura të borës, dhe mungesës së borëpastrueseve në Rrugën e Arbrit.

Në një lidhje për Fax News, një prej banorëve të bllokuar tha se në mesin e tyre kishte gra të moshuara dhe fëmijë. Sipas tij një fadromë që ka kaluar në zonë, nuk ka përmirësuar aspak situatën, ndërkohë që policia e ka të pamundur që të ndërhyjë.

Furgoni ishte plot me pasagjerë që lidhin fshatrat e Klosës dhe Bulqizës me Tiranën. Ndërkohë që pak më herët ARRSH njoftoi mbylljen e Rrugës së Arbërit për qarkullimin e mjeteve.

Banorët që kanë mbetur të bllokuar prej më shumë se një ore, janë ndarë në dy grupe, një pjesë janë nisur me këmbë drejt banesave të tyre, dhe pjesa tjetër ndodhet ende në furgon. Ata kërkojnë ndihmën e autoriteteve për të bërë të mundur transportin e tyre, pasi temperaturat në zonë janë tejet të ulëta.

Artikuj të ngjashëm

Leave a Reply

Your email address will not be published. Required fields are marked *

Back to top button
Close