Një ngjarje e rêndê ka ndodhur ditën e DJESHME  rreth orës 16.50 tek Parku i Liqenit Artificial në Tiranë. Një video e shpërndarë në mediat sociale, që është filmuar nga qytetarë të rastit, tregon një grup policësh të cilët mbajnë poshtë vetes një adoleshent, ndërsa njëri prej tyre duket ndërsa e gødet disa herë me shpulla. Adoleshenti i shtrirë në tokë dëgjohet ndërsa thërret dhe mundohet të lirohet.

Abc News mëson se djali është 15-vjeçari me iniciale S.Ç.

Duke folur për Abc News, nëna e tij është shprehur se adoleshenti e ka respektuar karantinën deri më tani, ndërsa shtoi se ditën e sotme i kishte kërkuar që të dilte me shokët nga Liqeni. Zonja thekson se i biri ka qenë vigjilent gjatë gjithë kohës së karantinës dhe ka ndenjur gjithë kohës me të në shtëpi dhe se sot doli vetëm për të bërë xhiro me shokët.

Nëna e djalit tregon:

“Djali nuk është fare mirë realisht. Kaloi një traumë të pashpjegueshme. Është 15 vjeç. Ta imagjinosh që ka qenë vigjilent gjatë gjithë kohës së karantinës, ka qenë në shtëpi me mua. Karantinën e kemi ruajtur, e kemi respektuar. Duke parë këtë javë…sot më kërkoi leje që të shkonte nga liqeni, i thashë mirë mami shko, mos u vono. Doli vetëm për të bërë xhiro me biçikletë.”

Më tej zonja tregon se pasi djali u vonua, ajo e mori në telefon dhe e pyeti se ku ishte, ndërsa ai i tregoi që ndodhej në polici pasi “më kapën këta me biçikletë.”

Ndërsa, vetë 15-vjeçari rrëfeu për Abc News se ishte me dy shokë të tjerë dhe po shkonin në shtëpi kur policët u kishin thënë që ktheheshin nga pas.

Por, sipas të riut, pasi ata u thanë që nuk dinin rrugën, policët thirrën patrullën dhe aty filloi gjendja të përshkallëzohej.

Djali tregon:

“Po kaloja me dy shokë të tjerë po shkonim në shtëpi, na bërën që të kthehemi nga pas, unë u thashë që nuk e dimë rrugën. I thashë që nuk e di rrugën, a mund të kaloj këtej u thashë. Pastaj thirrën një patrullë policie, u mblodhën 5 policë dhe po më mbanin nga biçikleta se kishin frikë se mos ikja.”

Më pas ai thotë se i thanë që të zbriste nga biçikleta, por ai refuzoi sepse kishte frikë pasi biçikleta nuk ishte e tija, dhe aty filluan që t’i gjuanin me shpulla.

Ai tregon:

“Më thanë zbrit, unë nuk zbrita. Pasi nuk zbrita erdhi një polic më kapi nga krahu, më gjuajti në shpullë… më kërkuan kartën e identitet po u thashë që nuk kam se nuk e kam mbushur moshën.”

Po ashtu, 15-vjeçari tregon se policët e gjüajtën edhe rrugës për në komisariat, ndërsa ndodhej i prangøsur bashkë me shokun e tij në makinë pasi “po fliste shumë sepse ishte i nevrikøsur”.

Ai thotë se në polici e mbajnë 45 minuta dhe më pas e liruan pasi i erdhën prindërit.

Ndërkohë, burime për Abc News thonë se për tre nga efektivët në video ka nisur hetimi disiplinor ndërsa efektivi që shihet duke e gjüajtür të riun me shpulla u shkarkua . /abcnews.al/