Një grua ka ndërruar jetë si pasojë e një zjarri që ka rënë në banesën e saj. Ngjarja e rëndë ka ndodhur në lagjen “Lef Sallata”, në qytetin e Vlorës. Ajo jetonte e vetme në banesë dhe mbylli jetën e saj në mënyrë tragjike.
Njoftimi policisë: Më datë 23.03.2021, rreth orës 17:45, në lagjen “Lef Sallata”, Vlorë, ka rënë zjarr në një banesë ku jetonte shtetasja E. Gj., rreth 50 vjeçe, invalide, e cila nuk ka mundur të dalë nga banesa dhe për pasojë ka ndërruar jetë. Grupi hetimor ndodhet në vendngjarje dhe nën drejtimin e Prokurorisë vijon puna për përcaktimin e shkakut të rënies së zjarrit.
