Categories Lajme

Zyrtarisht kandidat për Shkodrën, Beci: Jam gati për të marrë sfidën e kandidimit. Bashkia ka nevojë për punë, jo për politikë

Deputeti socialist, qe sonte u shpall kandidat per Bashkine Shkoder, ka reaguar në Facebook pas zyrtarizimit nga selia e Partise Socialiste.

Duke pranuar kandidimin si përgjegjesi. Beci shkruan:

Të nderuar bashkëqytetarë shkodranë,

Kur dy vite më parë mora ftesën nga kryeministri Rama për të garuar për një vend në parlament, si përfaqësues i Partisë Socialiste për Qarkun e Shkodrës, e kam thënë shpesh, kam patur dilemat e mia të forta personale dhe familjare. Nuk jam penduar asnjëherë për këtë vendim. Siç e kam thënë edhe më herët, arsyeja e vetme për të cilën jam bindur për të hyrë në politikë është Shkodra, mundësia për të bërë më shumë, për t’i kthyer mbrapsht aq sa të mundem Shkodrës së rrënjëve të mia, si një borxh familjar, personal dhe politik. Mikpritja që më kanë bërë socialistët e qarkut Shkodër ka qenë surprizuese për mua; u jam vërtet mirënjohës, siç i jam mirënjohës kryeministrit Rama, që më ftoi ta merrja këtë hap, e në mënyrë të veçantë çdo qytetari të qarkut të Shkodrës që, përmes votës, më dha privilegjin e besimit.

Unë besova fort se përmes kësaj përvoje të re në karrierën time, do të mund të kontribuoja shumë më fort për qarkun e Shkodrës. Por unë nuk jam politikani tipik, as socialisti tipik.

Unë jam njeri i punës, jo shumë i fjalëve. Ka plot kolegë që e bëjnë atë punë shumë më mirë se unë, politika nuk duket se është rruga ime. Karriera ime është ajo e menaxherit dhe administratorit të punëve publike; këtë punë kam bërë për më shumë se 20 vite. E gjithë përvoja ime është me i kthy idetë në projekte, projektet në punë konkrete të prekshme. Ndaj sot unë po tërhiqem nga roli i deputetit.

Me shumë mirënjohje për besimin që Partia Socialiste po më jep, jam gati për të marrë sfidën e kandidimit për bashkinë e Shkodrës. Megjithëse jam shumë i ndërgjegjshëm për sfidën shumë të vështirë që më pret, e marr me shumë dëshirë dhe ambicie pozitive.
Shpresoj shumë që do të mundem ta nis këtë rrugë të re, përmes mbështetjes suaj dhe me bekimin e familjarëve të mi! E kjo rrugë do të jetë në fakt drejtimi që mora dy vite më parë: zhvillimi i Shkodrës.

Shkodra ka nevojë për punë, jo për politikë.

Do të kemi shumë për t’i thënë njëri-tjetrit në ditët në vijim! Sonte sinqerisht dua veç të them, shumë faleminderit!

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Euro shënon rritjen më të lartë të vitit, prej muajit gusht. Çfarë pritet në vijim!

Kursi i këmbimit të Euros me Lekun shënoi një rritje të fortë ditën e djeshme.…

LEXO ME SHUME
Categories Lajme

Akuzohen se mësonin djalin të shante në TikTok, Apeli vendos për Kumarakun dhe nënën e tij

Gjykata e Apelit ka lënë në burg Armando Kumarakun dhe nënën e tij, Natasha Rombula,…

LEXO ME SHUME
Categories Lajme

Vrau gruan rumune me çekiç, dënohet me 24 vite burg shqiptari në Itali

Avni Meçja, i akuzuar për vrasje të rëndë për vrasjen e partneres së tij Alexandra…

LEXO ME SHUME
Categories Lajme

Elbasan\ Morën peng 68 vjeçarin për t’i grabitur paratë, pranga 47 vjeçares dhe bashkëpunëtorit të saj

Elbasan, Si rezultat i reagimit të menjëhershëm të shërbimeve të Komisariatit të Policisë Elbasan, finalizohet…

LEXO ME SHUME
Categories Lajme

Fier/ U përplas nga “Fouristrada”, ndërron jetë në spital 50-vjeçari

Gjatë mbrëmjes së djeshme (27 mars) një aksident i rëndë ndodhi në vendin e quajtur…

LEXO ME SHUME