Ishte pikërisht tema e dashurisë që mbushi portalet dhe nxiti kureshtjen e të gjithëve se kush është e dashura e Mc Kreshës dhe duket se dita- ditës po mësohet pak nga pak e vërteta. Madje, një muaj më parë ai u filmua teksa festonte ditëlindjen me partneren e re, portreti i së cilës mbeti ende i pazbuluar.

Gjithashtu në një intervistë në “Klanifornia”, ku Kresha ishte i ftuar së bashku me Lyrical Son, djemtë lanë të kuptohej se reperi ishte i dashuruar. Megjithëse nuk ka preferuar ta bëjë publik identitetin e të dashurës së tij, Kresha nuk e ka aspak problem të dalë me të rrugëve të kryeqytetit.

Sigurisht, dyshja s’ka mundur t’i shpëtojë syrit të paparacëve, të cilët i kanë kapur teksa ecnin dorë për dore, siç mund ta shihni në foton nga “nZoom”. Megjithatë, dyshja është fotografuar me shpinë, duke na lënë ende kuriozë për portretin e bjondes misterioze që i ka vjedhur zemrën reperit.